Hiai naupang ngen in ka thum ahi; huan, Toupa’n ka nget a hon peta; Huaiziak in ke’n leng TOUPA kiang ah ka lan ahi: a damsung teng a TOUPA a dia lat ahi, a chi a. Huan, huai lai ah TOUPA a bia hi (1 Sam.1:27,28)
Elkan’ zi Hana in nau neitheilou a a om ziak in Pathian kiang ah thum a, Pathian in tapa Samuel apia hi. Tuni a i tangteel a imuh mah bang in a tapa neihsun tuh a petupa Pathian a pethuk ngam hi. Hiai in a etton tak huaina hon musak a, hiai ziak mah ahi ding a Samuel tuh Pathian mizat, zawlnei minthang a hong suak hi.
Zi leh pasal a kineih ziak lel a ta leh nau neih ana hi kei hi. Tate tuh gil agah goutan, Pathian in hon piak ahi hi. Hinapi in hun tamtak ah hon petu Pathian sang in, vualzawlna i tan, i goutan tuamtuamte mah Pathian lam a hon daltu in i zang kha sek hi. Huaiziak in lungkhamna leh haksatna tuamtuam tuntu a hong hi zaw sek uhi.
Hana bang in vualzawlna tuamtuam i tante, hon vualzualtu Pathian pethuk thei chiat ding in Pathian in hon ompih hen.
Unaute zingpha. Tuni hun zatnuam chiat