Huai lai in Israelte lak ah kumpipa himhim a om kei ua: mi chih in amau phatsak lam zong in a gamtang mai uhi (Vai.21:25)
Israel-te Kanaan gam lutkhin hinapa in pasal-te khalam makaihna kiatniamna ziak a mipi dinmun hoihlouh dan Vaihawmte laibu ah muh theih hi. Kaleb tanu, Aksa ziak in Othniel in Kiriath-sepher hon la zou a (1:11-15), hangsanna leh vualzohna in a laibu hong kipan hi. Himahleh a laibu tawpna lam ah numeite tuh van (property) khat maimai bang a bawl in a om ua, amau chipihte mahmah sualluih, sawisak leh thah in a hong om uhi.
Mohpuakna nei hinapi a i mohpuakna ngaihsaklou a, i sepsuah louh chiang in mipite makai neilou bang in om sek uhi. Pathian neilou makai, mohpuakna ngaihsaklou tuh mipite khalam dinmun susetu a suak thei hi. Jakob in, “na lak uah mi tampi heutu in hong om kei un, heutu’n vaihawmna thupi sem i tuak ding chih i thei ngal a” (Jak.3:1) achih bang in Pathian mite khelhna i puak khaklouhna din i mohpuakna chiat taima leh ginom tak in sepsuah sawm ni.
Unaute zingpha. Tuni hun zatnuam chiat