Huan, Samson in TOUPA a sam a, Aw TOUPA Pathian, hehpihtak in hon theigige inla hehpihtak in tutung kia in hong hihhat inla, aw Pathian… Huan, Samson in, Philistiate kon sihkhum deh, a chi a. Huchi’n a theitawp in a kun ek a; huan, miliante leh mipi a sung a om tengtengte huai in in a delhta hi. Huchi’n a damlai a ahihlupte sa’ng in a sihkhumte a tam zaw uh (Vai.16:28,30)
Bang ziak a ginna a mi minthangte lak a Samson genkhak a om zenzen ahi de aw (Heb.11:32)? Abraham, Noah, Mosi leh adangdangte bang a ginna a athupi luatna a damlai in muh theih om hetlou hi. Himahleh a sih dek in hatna petu Pathian a hon naih thak a, thupitak in Philistia-te zou in a leitung khualzinna a zou hi.
I khalam hinkhua ah i patna sang mah in i zohna poimoh zaw hi. Kitaitehna ah i bah hun, i puk hun, i hatlouh hun om thei tham hi. I hat tai leh tailouh sang in bang chi bang in zohna i bawl a chih poimoh zaw hi. Hiai mah tuh Samson vualzohna ahi hi. A damlai hinkhua ah Pathian a ginna thupitak muh ding om kei mahleh a hinkho zohna ah vualzohna a ngah hi.
Pa aw, ka hon puksan hun uh a tam mahmah. Himahleh hon nuse ngeilou ding na hihdan non chiam hi. Tuni nithak ah hih hoih zaw ding, hattak a zohna nei ding in hon panpih in.
Unaute zingpha. Tuni hun zatnuam chiat