Mun a seh ding a Israel mi tengteng TOUPA na Pathian uh ma a a hong kilat hun chiang un hiai dan Israel tengteng zak in na sim ding ahi. Mipite numei pasal, na taneu chikchikte uh, na ompih uh gam dang mite, amau a ngaihkhiak ua, a kisin ua, TOUPA na Pathian uh laudan a siam ua, hiai dan thu tengteng pilvang tak a a zuih theihna ding uh leh (Deut.31:11,12).
Kum sagih kum, ngaihdam kum teng a bawkta ankuangluina a simkhiak zel ding in Mosi in a dan gelh Toupa thukhun bawm zawng Levi tapa siampute leh Israel upate tengteng apia hi. Hiai in a mangngilh dek hun chiang un leng theihthakna pe zelzel ding hi.
Pathian laudan siam a, a thupiakte zuikhial lou dia pilvang tak a i om theihna ding in a thupiakte sim zelzel, ngaihkhiak zelzel a poimoh mahmah hi.
Tulai mun tamtak ah Laisiangthou in achi, hiai bung hiai tang ah a kigelh chia thugen zak ding a vang mahmahta hi. Hiaite sang mah in leng a mipi ten gensiam thoh a thu kigente mah kingai nuam zawta hi. Huaiziak in thutak theihna ah niamkiakna thupitak in om a, Pathian’ thu lunglut leh kuhkal tamtak ten leng zungkai taktak lou in a pawlawng in kipaikha a bangta hi. Youtube leh social media tuamtuam ah thugen ngaihnuam taktak, siamtaktakte gen muh ding tamtak omta ahihman in Laisiangthou in hiai chi, hiai bung hiai tang ah kigelh chia kisinsaknate ah lunglutna om nawnlou phial ding khop in nawk in i om hi. Huaiziak in Laisiangthou mah sim in, huai theihna mah ah kik in, huaite mah tangkoupih poimoh tuantuan hi.
Unaute zingpha. Tuni hun zatnuam chiat