Na innsak-innkhangte uh grep huan a na hoh un na deihzah uh na ne thei uh, himahleh na seng ua na guan ding uh ahi kei hi (Deut.23:24).
Tuni a i tangteel in midangte’ grape huan a va hoh nek leh va puakkhiak sak a guksak a kibatlouhna om ahihdan hon hilh hi.
Hiai dan in tuni a i sepna tuamtuamte a hamphatna (facilities) hon piakte uh zat leh huaite apan gukkhiak a zuakkhiak kibanglou ding in gintakhuai hi. Office khawng a gari, internet leh adangdang zat theih dia hon piakte uh i zat khelhna hilou in khristian huai louhna leng hilou hi. Himahleh huaite sum leh pai dawnna hiam ahihkeileh gukkhiak hiam pen bel thil tuampi hi in diklou ding hi.
Huaiziak in khristian ten nna khat peuhpeuh i sepna ah ginomtak a sem ding in pilvang ni. “Na hih peuhmah uh, mihing a ding bang a hihlou in, Toupa a ding bang a hih in, kilawp tak in hih un” (Kol.3:23).
Unaute zingpha. Tuni hun zatnuam chiat