Ngai un, tuni’n na ma uah vualzawlna leh hamsia ka koih a; TOUPA na Pathian uh thupiakte tua k’on piakte na zuih uh leh, vualzawlna: TOUPA na Pathian uh thupiakte na zuih kei uh leh, na theih ngeilouh uh pathian dangte be ding a tua k’on thupiak na pialsan uh le bel, hamsia (Deut.11:26-28).
Tuni a i tangteel ah Pathian in Israel-te deihtel theih ding (choice) apia a, huai a deihtelna ziak ua a tuah ding uh leng chiantak in agen hi.
Khristian ten leng niteng in deihtel ding (choices) kinei gige hi. Pathian deihdan i teel ziak a vangphatna i tuahte ah pomsiam a haksa het kei a, himahleh Pathian deihdan leh thilhoih hilou chih thei gegu a i teelte ziak a haksatna i tuah chiang in kisiamtan a midang ngoh a baihsam mahmah hi.
Tuni a i deihtelna in i khalam hinkhua tamtak hon sunawngkai thei ahihman in Pathian deihdan deihtelna mah a masa pen ah koih sawm chiat ni.
Unaute zingpha. Tuni hun zatnuam chiat