Huan, Mosi in Israel-te tengteng a samkhawm a, a kiang uah, Israel mite aw, Na sin ua na zuih ding uh dante, vaihawmte tuni a na bil ua na zak ua ka gen ngaikhia un (Deut.5:1)
Tuni a i tangteel NKJV a i etleh “zui ding in pilvang un” (careful to observe them) chih bang in leh theih ding hi. Deuteronomy laibu sung kia ah “pilvang un” (careful/care) kichi thumal 35 vei bang kimu hi. Mosi in Israel-te gamchiam lut a, teeng ding a akisakkhawl sakna ah pilvang tak a Pathian thu pelsan lou a thumang ding in a gen tuantuan hi.
Thukhun Lui a Pathian in a thu zuihna a hichitel a angentel leh Thukhun Thak ah hotdam ihihna ding in pilvang tak a zuih a poimoh zaw tham ding hi. “Hiai thugen a dik ahi. Hiai thilte na phut chiltel k’on deih ahi, huchia Pathian gingta sate’n thil hoih hih ding a apilvan theihna ding un; hiaite tuh mihingte a di’n a hoih in a phatuam uhi” (Titus 3:8). Huaiziak in i nasep, i thilhih leh bawl ten Pathian’ dan a kalhkha hia, Laisiangthou sinsakna toh a kituak hia chihte en gige kawm a pilvan poimoh hi.
Mosi in Israel mipite kiang a agen bang in, mipi ten Pathian thutak pellou a azuih theihna ding un Pathian’ nasemte Evangelist, Preacher, Upate, Deacon leh Sinsaktu ten Laisiangthou thutak mah i sinsak a, mipite etzui theih ding a i dinpih poimoh hi. Dinmun poimoh tak i lette mipite paikhialsaktu leh pikhialtu hihkhak ding leng kiven a, pilvan poimoh hi. Huaiziak in Pathian thutak zui a dinpih ding in pilvang ni.
Unaute zingpha. Tuni hun zatnuam chiat