Israel tate houpih inla, a kiang uah Jordan lui na kan ua, Kanaan gam na lut chiang un, Huai gam a om tengteng na delhkhe vek ding ua, a suang milim tengteng uh na hihse vek ding ua, a milim sunte uh na hihse vek ding ua, a mun sangte uh na hihse vek ding uhi, chi in (Nam.33:51,52).
Israel-te gamchiam alut utoh khristian i suah in i kibatna nei hi. I mihing lui – hehnate, thangpaihnate, huatnate, gensiatnate, zahmoh kampaute leh a dangdangte i koihmang a, hindan thak lainatna lungtangte, migitnate, kingaihniamnate, thunuailutnate leh thuakzohnate a i kivat poimoh hi (Kol.3:8-14). Israel ten Kanaan gam alut chiang ua agam a omte tengteng a delhkhiak vek uh a poimoh mah bang in en leng i mihing luite tengteng delhkhiak vek poimoh hi.
Mosi in Israel-te kiang a agam a omte na delhkhiak kei uleh nou ding in sutna zum leh ling bang ahi ding uh achih bang in hiai i mihing luite mah i ngaihtuahna leh i hindan hon subuaitu, Pathian vualzawlna hon dalsaktu ahi sek uhi.
Unaute zingpha. Tuni hun zatnuam chiat