Huan, Toupa’n Mosi a houpih a, Aron leh a tapate kiang ah, hichibang in Israel suante na vualzawl ding ahi; a kiang uah chi in: Toupa’n nou hon vualzawl in hon veng zel hen: Toupa’n a mel na tung uah vaksak hen la, hon hehpih zel hen: Toupa’n nou lam hong nga hen la, lungmuanna nou hon pia hen, chi’n gen un (Nam.6:22-26)
Tuni a i tangteel in Aron leh tapate siampu ahihna ziak ua Israel-te vualzawlna a piak ding dan uh hon hilh hi. Hiai thuumna in vualzawlna thum genkha hi.
“Toupa’n hon vualzawl in hon veng zel hen”: Pathian in a tate vualzawl in amau adia lauhhuai thilte akipan veng nuam hi. Vualzawlna vuah i tung a zusak nuam in i hinkhua a huihpi lauhuai taktakte akipan hon humbit nuam hi.
“Toupa’n a mel na tung uah vaksak hen la, hon hehpih zel hen”: Pathian in i tung a amel a sel chiang in a heh chihna hi a, gawtna i tuak ding hi (Deut.31:17,18). Himahleh i tung a amel a vaksak chiang in bel a kipak chihna suak hi. Hiai in vualzawlna thumna kigen i tung ah tungsak thei hi.
“Toupa’n nou lam hong nga hen la, lungmuanna nou hon pia hen“: Pathian i tung a akipah a, ei lam hon ngat chiang in lungmuanna kinei thei hi. Hun tamtak ah lungmuanna taktak i neih theih louh ziak Toupa i tung a alungkim louh ziak hi nuam mahmah hi (cf.Sam 127:2).
Unaute zingpha. Tuni hun zatnuam chiat