Huan, na lou ua buh na lak chiang un na lounawl zul uh la vek kei un, a sang leng na zong ding uh ahi kei: mi genthei leh gamdang mi a di’n na hawi sak ding uhi: Kei TOUPA na Pathian uh ka hi, chi’n, chi’n (Lev.23:22)
Tuni a i tangteel in gentheite panpih tuh Pathian deihlam ahihdan hon musak hi. Laisiangthou, abik in, Paunakte bang ah neih leh lam hauhsakna toh kisai hasotna tamtak muh theih in om hi (Pau. 10:15; 12:27; 13:11, 22; 18:11; 22:7; 29:3). I neih leh lam hauhsaknate mahni adi kia hiam ahihkeileh Pathian adia zat sawm ihi hiam chihte kingaihtuah zelzel poimoh hi. Laisiangthou a imuh zatdan dik bangzah hiam i en ding:
- Kuapeuh genthei hehpihna nei in TOUPA a di’n a leitawi sak a, huan a thilhoih hih amah a din nawn ding (Pau.19:17)
- Kuapeuh khuttawilian mit nei vualzawl in a om ding: mi genthei kiang a a tanghou a kipan a piak ziak in (Pau.22:9)
- Kuapeuh a neih a nou leh a pung a tamsak in migenthei hehpih mi amah ding in a lakhawm hi (Pau.28:8)
- Kuapeuh genthei kiang a pia a tasam kei ding a: himahleh kuapeuh a mit sel in hamsia tampi a nei ding hi (Pau.28:27)
Pa aw, kou sang a genthei zaw, migentheite nang et bang a en thei ding leh ka neih leh lamte uh midangte panpihna a zang zel thei ding in hon panpih in.
Unaute zingpha. Tuni hun zatnuam chiat