Huan, gamdangmi, na gam a na teng sam a om uh leh na suksiat ding uh ahi kei. Gamdang mi na lak ua tengte bel nou ding in na gam ua mi him bang ahi ding ua, nangmah na ki-it bang in na it ding ahi: nou leng huai Aigupta gam ah gamdangmi na na hi uhi: Kei TOUPA na Pathian uh ka hi (Lev.19:33,34)
Tuni a i tangteel a gamdangmi achih tuh pianken a Israel mi hilou, himahleh amau lak a teng a a sahkhua uh zuihpih a dan tuamtuamte amau bang a zui mite a genna ahi hi (cf.Lev.16:29; 17:8,9; 18:26; 22:10,15,18; 24:16-22).
Israel-te leng Aigupta gam a gamdangmi hikha ngei ahihman un gamdangmite haksatna dan tuakkha sa ahihman un, amau lak a teng gamdangmite it ding a thupiak in om uhi. Huai kia hilou in, gamdangmi ahihlai un Pathian in amaute it in Aigupta akipan hon khia a, “Kei TOUPA na Pathian uh ka hi” chi hi. Hiai thumal Leviticus 16 kia ah leng 16 vei val kizang hi.
Tuni’n ei khristian-te leng mundang dang a khualzin a, mikhual ihih hun om zel ahihna ah ei kiang a hong zin tung midangte tung a i siam tuh Pathian deihdan ahi hi (Heb.13:2; 1 Pet.4:9). Nidang in Pathian thuchiam thukhun lak ah mikhual, gamlapi a omte himah lehang Khrist sisan ziak in hihnai in i omta hi (Eph.2:12-13). Huaiziak in Khrist hehpihna tungtawn in en leng midangte tung a siam suahdan kisin ni.
Unaute zingpha. Tuni hun zatnuam chiat