Kuapeuh in thil a hihkhelh a, hihlouh ding a Toupa’n thu a piakte a bangmah leng a hih leh, thei kei mahleh siamlouh a tang himhim ding a, a thulimlouhna moh a po ding (Lev.5:17)
Leviticus laibu ah tupmawng hilou khelhna (unintentional sin) toh kisai bangzah vei hiam genkhak in om hi (4:2,13, 22, 27; 5:15, 18; 22:14). Laisiangthou ah tupmawng a khelhna leh theihlouh ziak a tupmawng hilou khelhna a kibatlouhna om hi. Mosi’ dan nuai ah Pathian in tupmawng a tualthat tuh thah ngeingei ding ahi chi a, himahleh tupmawng hilou a tualthat khate bel thah ngeingei ding chi pah lou hi (Nam.35). Gawtna neepzaw a piak hang in, dan bohsiat theihna ding a phalna ahi kei a, khelhna in a sim veve hi.
Hiai in Pathian hehpihna leh zahngaihna i poimoh dan hon muchian sak semsem hi. Pathian bang a siangthou zou kuamah ki-omlou a, hun tamtak ah thei gegu napi in a thupiak kibohse kha sek hi. Huai kia hilou in, i tupmawng hilou, i theihlouh ziak in i niteng hinkhua ah bangzah vei i khial kha dia? Theih seng ding ahi kei hi. Hinapi in, Pathian dohzohna ziak a niteng a kisikna hinkhua zang thei ding a i om lai hamphat huai maw! (2 Pet.3:9). Huai kia hilou, kross tung a i Toupa’ thumna: “Pa, amaute ngaidam in, a thilhih uh a thei kei ua ahi” chih hilai tel ahi. Kipahhuai na e maw! Pathian hehpihna a khansem theihna din khelhna ah i om nilouh ding uhia? Om nilouh lou hial ding (Rom.6:1,2).
Unaute zingpha. Tuni hun zatnuam chiat