Huan, haltum thillat lu tung ah a khut a koih ding a; huchi’n amah a ding in lemna bawlna ding in pomsak ahi ding. Huan, TOUPA ma ah bawngpa a gou ding a; huan, Aron tapa, siampute’n sisan a lan ding ua, kihoupihna puan inn kongpi bul a maitam sisan in a theh ding uh ahi (Lev.1:4,5)
Mosi’ dan dungzui in kithoihna tuh siampute kia lat ding a thupiak ahi (1:5, 7, 11; 2:2, 9; 3:2, 8; 4:7). Himahleh kithoihna ganhing pen mikhial, kithoihna bawltu in a thah ding chih ahi sese hi. A ganhing lu tung ah a khut koih in, a gawl at ding a, huchiin a sisan luangkang sak ding hi. Hiai in mohna neilou (innocent) ganhing pen siampu pa ziak hiam, Pathian ziak hiam a si hilou in, a thattu mikhial pen khelhna ziak a si ahi chih taklang hi.
I Toupa Jesu’n amah khelhna om hetlou in tua sing ah a sa in i khelhnate pua a, Amah vuakna golhte ah hihdam in i om thei hi (1 Pet.2:24). Thukhun Lui a mikhial pen in a kithoihna gan lu tung a akhut a koih bang in i Toupa lu tung ah i khut koih i bang hi. Hiai bang lawmlawm a hon itna theichian hi maizen le hang, amah adia hinkho zat haksa hetlou ding hi.
Unaute zingpha. Tuni hun zatnuam chiat.