Pathian in ni sagihni in a nnasep a zou a; ni sagih ni in a nnasep tengteng a khawlsanta hi. Huchi’n, Pathian in ni sagihni a vualzawl a, a tangta hi: huai ni a Pathian in a siam leh a bawl a nnasep tengteng a khawlsan ziak in (Gen.2:2,3)
Pathian in ni guk sung in a nnasep tengteng zou in ni sagihni a khawl hi. Hiai ni sagihni tuh tulai i hunsim dan in Kiginni (Saturday) ahi hi. Khenkhat ten Pathian ni (Sunday) ding in a ngaihsun ua, himahleh diklou hi. Laisiangthou in Thukhun Lui hi’n Thukhun Thak hileh Khawlni achih tuh tulai a Kiginni (Saturday) ahi a, Sunday pen Nipikal Nimasapen (first day of the week) ahihkeileh Nisagih Nimasapen a kichi hi.
Himahleh Israelte tan ding in Sinai tang ah pe pan hi (cf.Neh.9:13-14; Ex.20:8). Khenkhat ten Khawlni (Sabbath) tuh thilsiam zoh akipan mihingte tan ding a Pathian thupiak ahi chi mahle uh thudik ahi kei hi. Israelte Sinai tang hon tunma uh Khawlni tan ding a thupiak leh mihing ten Khawlni a tanna uh muh ding khat leng omlou hi.
Unaute zingpha. Tuni hun zatnuam chiat