Huchi’n Israel suante lak ah ka teng ding a, a Pathian uh ka hi ding. Huchi’n TOUPA a Pathian uh, a lak ua ka ten theihna ding a, Aigupta gam a kipan a amau pikhepa ka hihdan a thei ding uh: TOUPA a Pathian uh ka hi (Exo.29:45,46)
Exodus ah tam veitak Pathian tuh siangthou ahihdan gen in om a, a siangthou luat ziak in Sinai Mual a hong kilak lai in mipi kimvel ah dai (barrier) kaih in om hial hi (19:12). Mipi lak a a ten theihna ding in biakbuk bawl in om a, huai a nasem ding siampu sep hi. Exodus 28 leh 29 ah siampute kivatna di puan leh amaute siansak ding dan gen in om hi. A kithopna puan uleh kithoihna in Khrist in tatna nna hong sepna ding ensak hi. Khristian-te leng baptisma i tan in Khrist ah i kithuam a (Gal.3:27), Pathian mai a siangthou ihih theihna ding in Khrist in kithoihna laankhinta hi. Huaiziak in Pathian deih dan hindan siangthou khosa ding in panla ni.
Unaute zingpha. Tuni hun zatnuam chiat.