Huan, Joseph in a ta masa min ding Manassi a sa a: Pathian in ka sep gimna tengteng leh ka pa innkuanpihte tengteng lah a hon mangngilh sakta ngal a, a chi a. Huan, a ta nihna min di’n Ephraim a sa a: Pathian in ka gimthuakna gam ah chi lah a hon suang sakta ngal a, a chi hi (Gen.41:51,52)
Kipahna sang in haksatnate i tuahte lungsim ah om den nuam zaw hi. Joseph hinkhua i et leh haksatna hun a tamzaw a bang phial hi. Pharo in dinmun sangtak a akoih zoh nung in leng a pianpih ngoihngoih sanggam ten a zuak dan uleh apa toh a kikhen ziak a adahnate a lungsim ah beilou hi. Himahleh Joseph in a hun paisa a haksatnate kia ngaihtuah in hunlui ah khosa lou hi. Hun tamtak ah i lungkhamna leh puakgikte i hun paisa thute, a kikhelsa hun a i khosak khak ziak hi nuam mahmah hi. Joseph in tate a hon neih in a haksatna hunluite sang in vualzawlna a donte ngaihtuah zaw in maban kalsuan hi. Haksatnate sang in vualzawlna i tante ngaihtuah zaw in, lungsim thaksak in Pathian deih bang in a lamdangte hih sawm zaw ni.
Unaute zingpha. Tuni hun zatnuam chiat.