Huan, Toupa’n Abram zi Sarai ziak in Pharo leh a innkuante bawl namai in a bawlta kei hi. Huchi’n, Pharo in Abram a sam a, ka tunga na thilhih bangchidan a mai a? Na zi ahi chih bang dia hon hilhlou na hia? Ka sanggamnu ahi, bangdia chi na hia? Huaiziak in a kei maw ka zi ding a ka na neih hial: ahihleh, tu’n en in na zi, pi inla, paimang in, a chi a (Gen.12:17-19)
I hinkhua film dan a enkik a mu thei kihileh tuahsiatna deihhuailou tak tuak dek lai Pathian in bangzah vei honna hunkhe de aw chih muh uthuai mahmah hi. Haksatna i tuah chiang in bang chi dan lawmlawm ahi de aw chia Pathian tung bang a leng vui khak baihsam mahmah a, himahleh lungkhamna i tuahtheih tampi lak akipan Pathian in Abram bang a honna hutkhiak hun tam mahmah ding in gintakhuai hi. Huaiziak in nithak, hunthak i muh zelte ban ah i muhlouh a Pathian in honna humbitna tam mahmah ding ahi chih thei in a min phat in kipahthu gen zelzel ni.
Unaute zingpha. Tuni hun zatnuam chiat.