Huan, hichi ahi a, leitung ah mi a hong pung ua, tanute a hong nei chiat ua. Pathian tapa te’n mite tanute melhoihtak in a mu ua; huchi’n, a deihlam chiatte uh zi ding in a hong la zel uhi (Gen.6:1,2)
Pathian in mihingte deihtel theihna zalenna pia ahihdan Genesis bung masa lam ah muh theih a, huai deihtel theihna pen a ut bang ua a zat ding uh dallou hi. Bung 3 ah Evi in sia leh pha theihna singgah mu (saw) in la (took) a, bung 6 ah Pathian’ tate’n mite’ tanute melhoih in mu (saw) ua, zi ding in a deihdeih uh la (took) uhi. Hiai deihtel theihna pen asia ahipah kei hi. Hiai tungtawn mah in Noah in Pathian deihdan a om ding in deihtelna a bawl thei hi. Khelhna i hihna dia Pathian phalsakna hilou in, Amah lam i zot theihna dia zalenna ahi zaw hi. Huaiziak in Pathian in deihtel theihna hon piak pen khelhna a zang lou in, Amah deihdan teelna din zang zaw ni.
Unaute zingpha. Tuni hun zatnuam chiat.