Himahleh Mosi khut a gik a; huchi’n suang a la ua, a nuai ah a koih uh, huai tung ah amah a tu hi; huchi’n Aron leh Hur in a khut a dop touhsak uh, khat khatlam pang ah, a dang adang lam pang ah; huchi’n nitum matan a khutte a pangzou hi (Exo.17:12)
Tuni a i tangteel tuh Rephidim a Israel-te toh Amalek kidouna thu ahi. Mosi in a khut a zantouh chiang in Israel-te hat ua, a khut a khiaksuk chiang in Amalek a hat hi. Himahleh Mosi khut kham zel ahihman in a khiaksuk louhna ding in Aron leh Hur in a langkhat tuak ah pang in panpih ua, Joshua leh mipi ten Amalek dou in a zou uhi. Mosi, Aron, Hur leh Joshua-te pankhawmna a gal hon zoh un amau thupina kipelou in, Pathian thupina pia in maitam hon doh uhi.
Khristian mi malmalte hi’n makaite hitaleh gimthei, tawlthei, bahthei leh pukthei ngen ihi uh. Tuabang hun in khat leh khat kipanpihtuah a kiphotding tuh i mohpuakna ahi. Khat kia a i zohlouhte nih leh thum pangkhawm in zoh theih a, a poimoh hun in Mosi bang a midangte panpihna nget thil zumhuai hilou hi. Kinengniam tuahte hilou a, kipanpihtuah a kiphongding tuah chiat a niteng a khalam gal zou zelzel thei ding in Pathian in hon vualzawl hen.
Unaute zingpha. Tuni hun zatnuam chiat.