TOUPA aw, nang toh bang kua a om a, pathiante lak ah! siangthouna a thupi, phatnate a lauhuai, thil lamdang hih ah, nang bang kua a om a (Exo.15:11)
Exodus laibu ah a tangthu taktak, “Israel-te paisak dinga a aw ka man ding, Toupa kua ahia?” (5:2) chih Pharo’ dotna toh hong kipan a, huai akipan a laibu pumpi tuh hiai dotna dawnna toh a kibang hi. Pathian in 17 vei “Kei Toupa ka hi” chi’n kigen a, huaite lak ah 9 vei tuh “nou (Aigupta ten), Toupa ka hi chih na theihna ding uh ahi” chih ahi.
Pharo bang in khristian tamtak ten leng Pathian thuman sang in ei nopsak bang a khosak a, i om dan ding hon sinsak theilou pathian lemte neihkhak baihlam mahmah hi. Israel-te khangthu apan hiai tuh thil lauhuai tak ahi chih muh theih hi. Hamphatna leh vualzawlna i tante hamse thuakna leh lungkhamna i suahsak khak ding lauhuai hi. A siangthou leh lauhuai, phatnate piak taak, Pathian deih dan mah zon masak pen in nei hi.
Unaute zingpha. Tuni hun zatnuam chiat