Huaiziak in tu in kuan inla, na kam ka ompih ding, na gen ding ka hon hilh ding hi, a chi a. Huan, aman, Aw Toupa, sawl in, kon ngen hi, na sawl dingpa khut in, a chi a (Exo.4:12,13)
Mosi in Pathian sawlna semsuah ding a chin a kisaklouh ziak in midang sawl mai ding in a ngen hi. Himahleh a hinkhua i et leh hangsan tak a Pathian’ thupiak genkhe siam mi, a hinkhua adia lauhhuai dinmun ahih lai a leng Pharo leh Israel mipite mai a ding a, hangsan tak a Pathian thupiak genkhe ngam mi ahi hi (Exo.10:28; Nam.14:10). Mosi in amah leh amah a kitheih sang in Pathian in a hihna a theichian zaw a, sawl leng a sawlkhial kei hi. Ei a om i hihtheihna thei a Pathian in mohpuakna hon piak peuhmah semsuah ngam ding in kisa ni.
Unaute zingpha. Tuni hun zatnuan chiat.