Mihing tapa, Israel inkawte vengmi (watchman) in nang k’on sep hi; huchi in ka kam a thu na za ding a, kei sik in amau vauna na pe ding hi (Ezek.3:17).
Tanglai khopite a ding in vengmi (watchman) tuh a poimoh mahmah hi. Innsang (tower) tung a tu in khopi a ding a lauhuai thei a om hia chi in a vil (watch) gigr hi. Melma ten khopi hon naih uh chih a theih phet chiang in lauhuai om ahi chih theisak in; huchiin khopi kulh kongkhakte a kikhak zel hi. Lauhuai om ahihlam genkha kei leh khopi a ding in bitna omlou ding hi.
Ezekiel tuh Pathian in a mite vengmi (watchman) ding in a sam hi. Pathian’ thutak hangsan tak a gen in, a thukhenna om ding ahi chi’n ginomtak a mite vauhilhtu ding in a sam hi
Khalam a i bit chiat theihna ding in nang leng midangte vengmi na hi thei a, Pathian’ thutak tungtawn a vauhilhtu leh lauhuai om chiang a vengbittu na hi thei hi.
Pa aw, khat leh khat kivengtuah a, ka khalam a ding ua lauhuai thil a om chiang a na thu tungtawn a kivauhilh a, kivengbittuah chiat thei ding in hon panpih in.
Unaute zingpha. Tuni hun zatnuam chiat.