“Simon, Johan tapa, nang hiaite sang in kei n’on itzaw hia?” a chi hi…Aman a kiang ah, “He, Toupa, k’on it chih na thei hi” a chi hi…Huan thumveina a nang kei n’on it hia? A kiang a a chih ziak in Peter a lungkham a, a kiang ah, “Toupa, bangkim na thei a, k’on it chih na thei hi,” a chi hi (Jn.21:15-19).
Peter in thumvei ana kitheihmohbawl ziak adiam, Jesu’n leng hiai dotna thumvei tak ana dong hi. “Hiaite sang in” achih in bang kawk ahia chih toh kisai ah ngaihdan tuamtuam om thei hi. Himahleh “Hiaite” chih in a kawk leh ahuap tengteng sang a Jesu it zawk ding chihna ahi pen mai hi.
Hiai dotna tuni a Jesun nang hon dong hileh bang chiin na dawng dia? Jesun ‘a lalgam leh a diktatna zong masa un’ (Matt.6:33), ‘kuapeuh anu hiam, apa hiam, a tanu hiam, a tapa hiam, kei sang a it zaw tuh ka mi hitak ahi kei’ (Matt.10:37,38) na chi. Jesu’n tuni’n ei kiang ah ‘hiai na chipihte, hiai na panmunte, hiai nasepna, hiai na inn-leh-lou, hiai na lawmhoihte’ sang in kei non it zaw hia? chiin hong dong leh na dawnna bang ahi dia?
Peter bang a Jesu nung i zuihna ah i kiim-leh-kiang a thil omte i lauhna ziak bang leh khovel thil tuamtuamte ziak in ana bahkhak theih ahi. Thumvei hilhial ana kitheihmohbawl mah leh, “Toupa, ka hon it hi” chi in thum vei mahmah Peter in ana gawnkhe nawn hi. A chingzou a ana kingaihtuah nawnlou, Jesu mel muh ding leng kisuanglah tak a ana om Peter tuh mohpuakna liantak piak a hong om in, mi tengteng adia khelh ngaihdamna thu puang khe masapen a zat in a hong om hi. Tuni’n nang leh kei leng ihi thei gige hi.
Unaute zingpha. Tuni hun zatnuam chiat.