Amau tuh Mosi leh Aron ma ah a kikaikhawm ua, a kiang uah, “Na pailek lota uh! Pawlpi lak a mi tengteng Toupa aa i hi vek ua, Toupa tuh i vek ua kiang ah a om hi. Bangziak a Mosi, Toupa’ pawlte tung a kikoih sang tuanse na hia?” achi uhi. Mosi in hiai thu azak tak in, lei denna in a kinei a, a thumta hi (Nam.16:3,4)
Tuni a i tangteel tuh Levi nam a Kohath behte Izhar’ tapa Korah in Mosi heutu hihna kalh a hong helna thu ahi. Amah tuh Reuben nam akipan Dathan, Abiram leh On ban ah Israel heutu mipi tel zanih sawmnga ten hon gum uhi. Hiai mitel helna etzual in a kilawm mahmah hi. Himahleh Mosi leh Aron-te Pathian in a dinmun uh a piak ahia, hazat ziak a amaute tung a ahelna uh Pathian in a ngaikhawk mahmah a, a vek un a sihloh hial uhi.
Pathian in khristian-te leng hihtheihna tuamtuam, mohpuakna tuamtuam leh dinmun tuamtuam hon pechiat hi. Makaihna kichi, abik in khalam kimakaihna tuh thil haksapi ahi. Mohpuakna leh dinmun tuamtuam lenkha ten kipanpihtuah lou a, kigensetuah leh kihazatuah a i om chiang in Pathian thangpaihna hihkhak baihlam mahmah hi. Huaiziak in Pathian in mohpuakna leh dinmun tuamtuam hon piakte ginom tak a sem a, a vualzawlna tang thei chiat ding in hon ompih hen.
Unaute zingpha. Tuni hun zatnuam chiat