Toupa’n ka tungtang a ahih ding atangtun ding; Toupa aw, na zahngaihna tangtawn in a-om ding a; nangmah khut thilhihte tawpsan ke’n (Sam 138:8).
Ni thak, hun thak leh kumthak hunte i zohlouh nna tampi toh kipan in maban kisuantou sek hi. Himahleh tuni i tangteel in thudik hon hilh khat om hi: i hinkhua pen a mawk om hilou in, Pathian khut sung a om ahi zaw hi.
David in Pathian ngimna ka tangtun sak ding chilou in, Pathian in a tangtun ding achi zaw hi. Hiai thutak theihchianna in lungmuanna hon pia hi. Pathian hih ding tuh i thanemna, i ut leh utlouh, i thanop leh noplouhte’n kikhelsak lou hi. Pathian in hih ding achih tuh a tangtun mai hi.
En a nasepte abukim a i muh theihlouh hang in Amah muang peuh mah phot ni. A thu mang in a deihdan thildik hih peuh mah phot le hang, Aman a hih dingte tangtun ding hi.
Unaute zingpha. Tuni hun zatnuam chiat