Na tenna leh Setan mangtutphah omna leng ka thei hi; ka min kiptak in na lenden a, Setan tenna mun a ka palai ginom, Antipas thah a a omlai in leng na ginna na tawpsan tuankei hi (Kil.2:13).
Tuni i tangteel in Setan mangtutphah omna achih bang in Pergamom ah Greek leh Roman-te pathian lim biakna inn (temple) tam mahmah a, milim biakna munpi chih in om hial hi. Zeus maitam (Altar of Zeus), Asclepius biakbuk (temple of Asclepius), Dionysus biakbuk (temple of Dionysus), Athena biakbuk (temple of Athena), Roma leh Augustus biakbuk (temple of Roma and Augustus) chihte minthang mahmah uhi.
Rome ukpite’n “Kumpite biakna” (Emperor Worship) naktak in paipih ua, “Kaisar tuh toupa’ ahi” chia be utloute tuh mipite etnop bawlna mun Amphitheater ah mulkimhuai tak a soisak in omzel uhi. A thuneihna uh Ius Gladii toh kumpite be utlou khristiante a that in a om ua, Permamom saptuam mi Antipas leng that in a om hi. Himahleh sih tanpha a sawina a tuah hang un a ginna uh khahsuahlou in a tawpsan tuankei uhi.
Jesu’n amin kiptak a aletkip dan uh a thei mahmah a, himahleh Balaam sinsakna zuite leh Nikol pawlte sinsakna zuite a ompih ziak un a dem a, kisik ding in a hilh hi.
Unaute zingpha. Tuni hun zatnuam chiat.