Douna hoih ka dou khinta a, kitaitehna ka tai khinta, ginna ka lenkip paisuakta hi (2 Tim.4:7)
Paul in Timothy kiang ah a damsung kumte zouta ding ahihdan ana genna ah, “ka pawt hun a tungta” achi hi (2 Tim.4:6). A hinkho zatdante a etkik chiang in hat leh hangsan tak a zou in a kingaihtuah a, akimuangngam mahmah hi. A kimuanngamna tuh a hinkhua a thil thupi taktak ana sepsuahte ziak hilou in, ginna a letkip ziak ahi zaw hi. Jesu Khrist a ding in a ginom den hi. Dahna leh kipahna ah, amah Honkhepa ginom tak in a zui hi. “Diktatna lallukhu“, Amah adia ginomte tan ding toh Jesu’n ana ngak ahi chih a theichian hi.
Hiai lallukhu tuh mi tawmchik dinmunsang neite a ding hilou in, a kilakna it peuhte a ding ahi, achi hi (4:8). Tukum zou diing dinmun a i ding na ah bang chi’n zou dek in i kithei a?
Unaute nitakpha. Tukum lungkimhuai tak a khakliam nuam.