Toupa’n nang toh i tungthu ngaihtuah hen la, huan, Toupa’n na lak ah phu hon lasak hen; himahleh ke’n zaw na tungah khut ka kha kei himhim ding (1 Sam.24:15)
Miteng in mihing hihna ah i melmate tung ah phulak utna kinei chiat hi. Himahleh phulak tuh Pathian deih dan ana hi kei hi.
Saul in David that ut a adelhna lam ah David in that ut hileh thah theihna hun lem amu hi. Huchiin David mi ten, “Toupa’n na kiang ah, ngai in, na khut ah na melma ka hon pe ding a, a tung ah hoih na saksak in na hih ding, a chih ni a hita ve” a chi hial uhi (24:4). Etzual in Pathian lemsak, hunlem a bawlsak abang a, that leh leng kuaman mohsa ding in gintak huailou hi. Himahleh David in thatlou in a puan mong a va tansak a, a tung a thil gilou ngaihtuah hetlou ahihdan a langsak hi. Saul hoih kei mahleh Pathian thaunilh ahihziak in a puan mong a va tansak lel in leng a lungsim a sun mahmah hi.
Tuni a i tangteel a i muh bang in, phulak ding omte Pathian a ngensiah zaw hi. Hiai mah tuh Pathian deih dan, khristian ten leng i zuih ding in hon deih hi. I tung a hoihlou leh hon bawl gentheite Pathian khut ah nga thei chiat ding in kisin sawm ni.
Unaute zingpha. Tuni hun zatnuam chiat