Nou sem gim leh puakgik po tengteng aw, ka kiang ah hong pai unla, keiman khawlna k’on pe ding. Ka hakkol pua unla, kei a kipan zil un; thunuailut leh lungtang a kingainiam tak ka hi; huchi’n, na kha ua ding in khawlna na mu ding uh. Ka hakkol a nuam a, ka puak leng a zang ahi, a chi hi (Matt.11:28,29).
Leitung a khosa lai ihihman in lungkhamna leh lunghimohna kipel theilou hi. Himahleh Pathian’ ta ten i tuahdan leh i phuutdan kisin theih om hi. Jesu’n, “Nou semgim leh puakgik paw tengteng aw, ka kiang ah hong pai unla, kei man khawlna kon pe ding” (Matt.11:28) chi in lungkhamna thuakte khamuanna hon pia hi. Peter in, “Aman a hon limsak gige ziak in na mangbatna tengteng uh amah tung ah ngavek un” (1 Pet.5:6-7) chi a, Sam gelhtu in “Pathian i kihumbitna leh i hatna, mangbat lai a huh pahpahpa nai gige ahi” (Sam 46:1) chi hi. Kumpi David in, “Na puakgik Toupa tung ah nga le chin, huchiin ama’n nang a hon hihhat ding…” (Sam 55:22) chi hi. Sawltak Paul in, “Bangmahlou ah mangbang kei un; himahleh thil bangkim ah, thumna ngetna, kipahthugenna toh na ngetnate uh tuh Pathian kiang ah theihsak in om hen. Huchi’n Pathian muanna, lungsim himhim a theihzoh vuallouh in Khrist Jesu ah na lungtang uh leh na ngaihtuahnate uh a hon kep sak ngeingei ding hi” (Phil.4:6-7) chi hi.
Unaute nitaklampha. Unp.Thanglianpau i suun mahmah kawm in ihmut lim leh mangpha chiat.