Huchi’n TOUPA’ sikha Mosi TOUPA thu bang in Moab gam ah a sita. Huan, Beth-peor zawn a Moab gam a guam ah a vui a; hiamahleh a han pen tu tan in kuamah in a thei kei uh (Deut.34:5,6).
Teelthei hile chin na hansuang ah bang kigelh leh na utpen a?
Mosi a sih in Pathian in hihna (title) thupitak toh chiamtehna “Toupa’ sikha” chi’n bawl hi. Hiai hihna Mosi genna ding a akizat nih veina ahita hi (Ex.14:31 ah khat vei kizangta). Joshua laibu kipat tuung ah Mosi genna ding in kizang nawn a(1:1-2), a laibu sung pumpi ah 14 vei lam akizatbeh lai hi. Joshua a sih in leng hiai min (title) piak in om hi (Jos.24:29).
I sih hun a vuina program hun hiam a mi ten i tanchin a gen uhiam ahihkeileh i hansuang theihgigena chiamtehna agelhte uh sang in Pathian in hon chiamtehna poimoh zaw tham hi. Ka sikha hoih leh ginom chia hon theih sang a thu kipahhuai zaw ding omlou hi. Mosi bang a Pathian’ sikha chia Pathian in hon chiamteh theih samna ding in panlak sawm chiat ni.
Unaute zingpha. Tuni hun zatnuam chiat