Aw, Toupa kiang ah kipahthu hilh un: amah lah a hoih ngal a; a chitna leng khantawn a om ding ahi ngal a (Sam 136:1).
Kipak tak a om kichi thil haksapi ahi. Sam 136 i sim leh “a chitna leng khantawn a om ding ahi ngal a” chih thuvual (phrase) 26 vei tak kigentuan hi. Kipahna (gratitude) neih theih kichi Pathian’ tate a ding in a poimoh pipente lak a khat ahi hi.
Kipahna neih theih a poimoh dan khovel mi ten leng a thei mahmah uhi. Huaiziak in mi tamtakte’n tate bang “kipak” (thank you) chih ding dan a sinsak uhi. Kipahna neih theihlouh kichi Pathian gingta loute nasan in i hinkhua adia thil hoihlou ahihdan a thei mahmah uhi.
Ei Pathian gingta, Khrist’ sisan a tat-te ngial in a zahngaihna i tan a, i khelhnate sawpsiang a om theih kia leng kipahna tham, niteng leh hunteng a kipahthu genna tham a ching hi. Huaiziak in Toupa kiang ah kipahthu hilh ni, Amah la a hoih ngal a!
Unaute zingpha. Tuni hun zatnuam chiat.