A naupang zaw pen in, a pa kiang ah, Pa, gou ka tansik hon pia in, a chi hi. Huchi’n, a sum tuh a kiang uah a hawmta hi. Huan, ni sawtlou nung in a tapa naupang zaw pen in a tansik tengteng a lakhawm vek a, gam gamlapi ah a zinta a, huai ah nuam tat lua in a sum a mawk zat mangta hi (Lk.15:12,13)
Tate kiang a gou hawmpih ding nu-leh-pate thuneihna ahia, tate kisaklahna ding hilou hi. Himahleh tapa taimang in a pa kiang ah a gou tan ding ngen in, a tunna ding maban vok kuang bul ahihlam a theihlouh ziak in a ittu a nu-leh-pa nusia in ittu ding a om louhna gam a zuan hi. Apa akipan zalenna tuh nopsakna, lungkimna leh kipahna hi diing in ana gingta hi. Himahleh, thumanna tellou zalenna in mun nuam leh mun hoih tun ngeilou ahihman in, a zalenna leh nopsakna tuh taksapna, gilkialna leh lungkhamna a hong tung hi. Huaiziak in ta te’n khonung a i kisik louhna ding in nu-leh-pa thumang in khosak sawm chiat ni hang.
Unaute Toupa’ ni zingpha. Tuni kikhop nuam chiat.