Mi’n keima ziak a hon tai ua, a hon sawi ua, zuau a gilou chiteng a a hon hek hun chiang un, na hampha uh. Kipak unla, nakpitak in nuam un; van ah na kipahman uh a thupi ngal a: tua mah bang in na ma ua zawlnei omte leng a na sawi nak uhi (Matt.5:11,12)
Min hon tai a, hon sawi a, gilou chiteng a hon hek ua, huai hun laitak a kipak tak a om ding chih tuh thil haksa mahmah hi ding hi. Mahni hihkhelh ziak a thuak leng haksa ding ahihlai in, midang ziak a thuak tuh haksa sem lai ding hi. Laisiangthou a Pathian’ zawlnei leh mi hangsan ten ana thuakzouta ua, a thuak kha peuhmah bel kipahna in dim zaw uhi. Amau bang a thuak mualsuah a kipak ding in tuni a i tangteel in hon sinsak hi. Tulai a hiai bang thuakngap taktak a tamlouh ziak a diam, khalam ah kipahna taktak nei kitamlou hi. Hiai bang a thuak thei dia i om khak leh hampha ihihdan thei kawm in, a thuak mualsuahte i Toupa’n kipahman hon chiam tangzou ding in pang ni.
Unaute zingpha. Tuni hun zatnuam chiat.