Himahleh ke’n zaw ka lamen gige ding a, ka hon phat semsem ding hi. Ka kam in na diktatna thu a gen ding a, nitum in ka hotdamna thu a gen ding a: a tamdan ka thei ngal kei a. Toupa Pathian thilhih thupiakte toh ka hong pai ding a: a diktatna, nangmah diktatna thu kia, ka gen ding hi (Sam 71:14-16).
Pathian’ thu puanzakna ah, abiik tak in thu nasemte lak bang ah talent tuamtuam leh siamna tuamtuam om hi. Huai talent tuamtuamte a kizat theihna leh a phattuamna om vek a, hiai a hoih zaw in a phatuam zaw chia tehkak theihgige louh hun om hi. Himahleh Pathian’ nasem ten hiai a nuai a lungsimte neih poimoh mahmah hi.
- Tanchinhoih genna poimoh ngaihna lungsim neih ngai hi. Mihingte mi naran a enlou a, hotdam leh hotdamlou mit a en a, hotdam utna lungsim neih ngai hi.
- Khalam vualzawlna leh hamphatnate ziak a kipahtheih poimoh hi. Jesu Khrist tungtawn a hamphatna i tangte midangte kiang a hilh sawn utna neih ngai hi.
Pa aw, khristian ten nang mah lalgam nna ka sepna uah hiai bang lungsimte neithei chiat ding in hon panpih in.
Unaute zingpha. Tuni hun zatnuam chiat