Huan, hiai i sum leh paite eimah hatna leh i khut hatna a sepkhiak ahi, na lungtang un na chi kha ding uh, pilvang un. Tu a akip bang a na pi leh pute uh kiang a kichiam a thu a khun a hihkipna ding in TOUPA na Pathian uh theigige un, sum leh pai muhkhiak theihna hon pepa lah amah ahi zen a (Deut.8:17,18)
Israel te’n gamhoih tak, Kanaan gam a lut chiang ua Pathian vualzawlna inn-le-lou, sum-le-pai, neih-le-lamte kiningchingtak a a neih chiang ua a kisaktheih khak ding uh Mosi in alau mahmah hi (8:12,13). Tuni a i tangteel a imuh bang in amau thahatna leh thilhihtheihnate ziak a amuhkhiak uh hilou a, Pathian piak liuliau ahi chih a theih ding uh a deih mahmah hi.
Mihing ten ineih-ilamte ei sepkhiak leh lohkhiak ahi chih a baihlam mahmah hi. A dikna chiang leng a om tham hi. Himahleh hiai bang a lohkhe thei din pilna-siamna, chidamna, thahatna leh hun manpha Pathian in hon pe kei leh kuamah a lohkhe zou ding om tuanlou ding hi.
Mosi in Israel-te kiang a, “TOUPA na Pathin uh na mangngilh ua, pathian dangte na zuih ua, a nnate uh nasep ua, na biak himhim uh leh, na mang ngeingei ding uh chih tuni’n k’on theisak” (8:19,20) achih bang in, Pathian in mangngilh leh ei leng mangthang thei gige ihi chih thei thakthak ni.
Unaute Toupa’ ni zanpha. Mangpha leh ihmut lim chiat