Huan, Joseph suante’n, Tanggam kou ding in a hun kei hi; phai gam a teng Kanante tengteng, Beth-sean leh a khopi a omte leh Jezreel guam a omte’n sik kangtalai a nei chiat tuamse uh, a chi ua (Jos.17:16)
Bang ziak i gamlakna a lohsam kha sek ihia? Bangziak a i hinkhua akipan diabol delhkhe zoulou ihia? Israel-te bang a melmate lau maimah ihi hia? A sik kangtalai un hon lausak hia? I sik leh tang a gal hon doupih Pa mangngilh ihita hia?
Sik kangtalai kilausak kei ni. Lei leh van Pathian in i galzohna ding in hon doupih hi. Huaiziak in laulou in i melma sual in Setan zoh sawm ni. Pathian in i vualzoh ding dan hon hilh hi. Khovel galvan namsaute, teipite leh sik kangtalaite i poimoh kei a, Pathian a ginna taktak i poimoh zaw hi. Khalam galvan Pathian in hon piakte toh dou lehang i zou ngeingei ding hi (Eph.6:10-19).
Unaute zingpha. Tuni hun zatnuam chiat