Huan, amah zom in Ahohi tapa Dodai tapa Eleazar ahi: huai mi bel Philistia mite kidou ding a a kikaihkhawm ua, a tou ua. Israel mite a pai mang vek lai ua David kiang a sepaih hangsan thumte lak a khat ahi: Huan, amah a thou a, Philistia mite a khut a kham matan in namsau leng khahlou khop in a that a; huai ni in Toupa’n nakpitak in a zouta a: huan, mipite a nung ah gallak thil la ding lel in a hong kik nawn uh (2 Sam.23:9-10)
Tuni a i tangteel tuh David sepaih hangsan thumte lak a khat Eleazar tanchin ahi. Gal kidouna a vualzohna ding in hansanna poimoh a, meisan/meigong (dawilok) kawm a zoh ding thil hilou hi.
Khalam galdouna ah leng salam mihing hihnate sisak ngam ding a hangsanna poimoh hi. Jesu’n a nungzuihna tuh mahni kingaihsaklou a kross puakna ahi chi hi (Lk.9:23,24). Kross tuh mahni hihna sihsakna mun ahia, Paul in kross a Khrist toh kilhden a om ahihdan agen hi (Gal.2:20;6:14). I taksa a om leilam thil deihnate hihlup ngam a poimoh hi (Kol.3:5). Hiai bang a hangsanna nei thei chiat ding in Pathian in hon ompih hen.
Unaute zingpha. Tuni hun zatnuam chiat