Huan, Juda in, a pa Israel kiang ah, ka nau uh hon zuisak in, huchi’n ka ding diing ua, ka kuan mai ding uh; kou leh nang leh ka ta neu chikchikte uh leng silou a i hin theihna ding un. A tungtang thu ahi keimah in a bultum na ning; kei lak mahmah ah amah hon phut in: amah na kiang a ka hon pi nawn kei a, na ma a k’on dinsak nawn kei leh, a moh khantawn in ka po ding hi (Gen.43:8,9)
Juda’ thulim louhna leh khelhna gen ding tampi om a, Genesis 38 pumpi bang amah khelhna thu ahi mai hi. Himahleh hiai tan lel ahinkhua beina ahi kei a, kum tampi nung in tuni a i tangteel ah hinkho piching zaw leh a hihkhelhnate apan sinlai la a kikhekmi ahihdan muh theih hi. Amah a ding kia hilou in a inkuante a ding a sihngam a kipephal mi ahihdan kimu hi. I thilhoih hihte ziak in hun paisa a i hihkhelhte bei tuan kei mahleh, sinlai i lak leh Pathian panpihna toh piching zaw leh mi hoih zaw kihi thei gige hi. Hun paisa thute kithunun saklou in Pathian in hinkho thak hon piakte thilhoih hihna ding in zang ni.
Unaute zingpha. Tuni hun zatnuam chiat.