Mi tungnung, tawisang, khantawn a om, a min Siangthou in hichi’n a chi ngal a: Kei mun tungnung leh siangthou-ah ka om a, mi thunuailutte lungsim hihhalh ding leh kisik tuntunte lungtang hihhalh ding in mi lungsim a kisik tuntun a thunuailut tak kiang ah leng ka om hi (Is.57:15).
Nidang deuh in phone khawng hong kithantuung in phone number gelhkhiakna laibuta neuchik bang kinei in, mi i phone mun deuhte bang a number uleng ki-byheart mai hi. Himahleh tuchiang in phone number byheart chih leng om nawn khollou in i mobile mahmah ah kikhumlut mai hi.
Phone number i byheart-te tuh i hinkhua adia mi poimoh anuam-ahaksa a i thuzak gigete hi deuh tangpi hi. Amau tuh ei hon theisiam, leh i dinmun hon theichiante hi deuhse uhi.
Huchibang in i Pathian tuh chiklaipeuh a thuzak theih gige, anuam-ahaksa a hon panpih theitu ahi gige hi. Lei leh van bawltu, Siangthou, Siangthou, Siangthou Pathian ahi. Aman hon theichian mahmah a, i haksat-inop a thei mahmah hi. Amah houpih theihna ding in a houpih theihna ding line na theina hia? Aman i houpih teng in ninglou in hon ngaikhe gige hi.
Unaute zingpha. Tuni hun zatnuam chiat.