Huan mallam nga kongpi ah innpi inntual ah a hon pi a; huan, ka en a ngai dih, TOUPA in TOUPA thupina in a dim vek mai mah a; huan khupboh in ka pukta hi (Ezek.44:4).
Ahun leh mun lemtan dan dungzui in thum dan tuam deuh om thei hi. Gari hek lai bang, exam dek geigei bang, office mun, ahihkeileh kholak koimun hiam a mit le si manlou a lungsim a thum zual chih bang om thei hi. A sia hi hetlou in hoih mahmah hi.
Himahleh hun khenkhat ah thum ding ahi chih ziak a thum naran a thum chih om theih hi. Huai hilou in, mun thoveng, hun thoveng ah thil dang bangmah ngaihtuahlou in, minute khat leh nih hiam Pathian omna mun, a laltutphah mai a lungsim om sak in, thum le hang i thumna pai in, kingaikhawk in, Pathian’ zahna tak toh kithum thei hi. I thumna leng lamzang tuan mahmah hi.
Tuni a thumna na neih chiang in ana kisin himhim mah dih!
Unaute zingpha. Tuni hun zatnuam chiat.