Toupa’n a hun hih geihgeih in na gam uh vak ding vuahtui hon pe ding leh na khut koihna tengteng ua hon vualzawl ding in, van, a gou bawm hoihte a kihong sak ding hi; Huchi’n nam tampi na leitawi sak ding ua, nou bel na lei tawi kei ding uh (Deut.28:12).
Tuni a i tangteel tuh Mosi in Israel mipite kiang a Kanaan gam a luah chiang ua a om ding dan uh a hilhna ahi. Hiai tang a kipan in Pathian vualzawlna i tan theihna ding in mihing lam ah leng mohpuakna om ahi chih imu thei hi.
A hun geihgeih a vuahtui, khut koihna tengteng a vualzawlna, van goubawm hoihte leh leitawisaktu a pan theihna ding in Israel ten Pathian thupiakte ginomtak a azuih uh poimoh hi. Pathian thupiakte zui a, veilam hiam, taklam hiam a akiheimang san louh uh ngai hi.
Khristian ten leng i lohchinna ding in Pathian thuman a poimoh pen ahi chih thei in, van goubawm ei adia hon ahihtheihna ding in thuman sawm ni.
Unaute Toupa’ Ni zingpha. Tuni kikhop nuam chiat