Huan, huai suante tengteng leng a pipute uh kiang lam ah a pai khawm khinta ua huan, huai mite nung in TOUPA leh Israelte a dia a thilhihte leng theilou suan dang a hong omta uhi (Vai.2:10)
Joshua tuh makai thupitak ana hi a, amah damsung leh a makaih mite dsmsung in Israel ten Pathian’ nna a sem uhi. Himahleh amau khang a hong sih beitak un a khang nawn ten Pathian hon thei nawn kei uhi.
Jordan lui akipan suang sawm leh nih la in Pathian thilhihte theihgige a, a tate uh a hilhsawn zel theihna ding un chiamtehna Pathian in a bawlsak zel hi (Jos.4:1-7). Himahleh nu leh pa ten a tate uh hilh ngeilou ahi ding ua a khang nawn (next generation) ten Pathian hon theinawn kei maimah uhi.
Tuni a thutak i theih, i zuih leh sihpih ngap khop a i gup i tate kiang ah i sinsakna hia? Ahihkeileh ei khang a bei toh kiton a thutak i insung a bei mai ding a diam? Kal teng in Toupa theihgigena ankuang i ne gige ua, bangziak a ne ihia chih leh a poimohnate i tate hoihtak in i sinsak zel na hiam?
Unaute zingpha. Tuni hun zatnuam chiat