…Huan, David in a kiang ah, TOUPA sathaunilh hihmang ding a tung a khutkhak bangchidan a laulou na hia leh? a chi a… Huan, David in a kiang ah, na sisan nangmah lutung mah ah om heh; nangmah mah kam ngei in, TOUPA sathaunilh ka that ahi, chi’n lah na phuang ngal a, a chi hi (2 Sam.1:14,16)
Tuni a i tangteel tuh David kiang a kumpi Saul sihna thu toh kisai a hong khualtai Amalek mi kiang a David kampau ahi.
David a ding in Saul mi hoih ahi kei a; a melma, amah that sawm a delhtu ahi zaw hi. Himahleh David in Saul mihihna leh atung a athilhihte enlou in, Pathian’ sathaunilh ahihna en in, a tung ah thilsia abawl ngam het kei hi. Pathian’ sathaunilh tung a khut khak kichi thil lauhuai, a pap om thei ahi chih a theichian mahmah hi.
Laisiangthou in khristian-te leng Pathian min a nasem, Toupa a heutute zahna pia a, amau mi hihna ziak hilou a, a nasep ziak ua ngaithupi ding in a hon sinsak hi (1 Thess.5:12,13). Pathian’ belampu saptuam upate, panpihtute, thu nasemte a chit zohlouh ziak hiam ua musit a, amau siatna ding a nasep kichi thil lauhuai ahi. A chitlouhnate uah apanpihtu, a thumpihtu hih sawm chiat zaw ni.
Unaute zingpha. Tuni hun zatnuam chiat