Huailai in meipi in kihoupihna a tuam a, TOUPA thupina in biakbuk a dimsak hi (Exo.40:34)
Exodus laibu hiai bang in muh theih. Abraham’ suante Aigupta ah saltang in om ua, himahleh Pathian in Abraham kiang a a thuchiam mangngilh lou in a saltanna ua kipan pikhia in Sinai mual ah thukhun bawlpih hi. Himahleh Pathian leh mihingte kizopna pen thil baihlam ahi kei hi. Aziak tuh Pathian pen siangthou mahmah ahihman in mipi ten lau in mu ngamlou uhi. Huaiziak in a kikal uah palai a om poimoh a, huai palai nna sem in Mosi om hi.
Pathian leh mipite kizopna a tan louhna ding in Pathian thupiak bang in puanbuk bawl in om a, huai ah Pathian om in a thupina in a tuamkhum zel hi. Nasepte 2 i sim leh Exodus a imuhte tantunna ahi thei mai diam chih in om hi. Pentecost ni’n leng Khasiangthou in a mite tuamkhum in ompih hi. Tuni tan in leng Pathian a mite lak ah teng den hi (Jn 4:20-21; 1 Cor 6:19-20; Eph 2:19-22; 1 Pet 2:4-5; Kil. 21:3).
Unaute zingpha. Tuni hun zatnuam chiat.