Na lak ah TOUPA na Pathian a om, hondam ding mihat; na itna ah a khawl ding, la sa in na tung ah a nuam ding hi (Zeph.3:17).
La siam deuh a kisa in mihingte lungsim zou baih mahmah hi. I ngaihtuahna leh i lungsimte leng a thu a genthoh sang in la a sak thoh in mi zoubaih zaw a; huaiziak in sermon ngaihkhiak sang in la thu hoihtak, siamtak a kisa ten mi tampite mittui luangsak baih zaw hi. La tuh i lungsimte genkhiakna vanzat hoihtak leh hiamtak (powerful/sharp) a suak hi. Pathian phatna ding in phatna late sa in, i ngaihtuahna leh lungsimte Pathian kiang ah i sungbua hi.
Hiaite ziak khawng mah in vangam i ngai thei hi. I mit mahmah a Pathian mu a, Amah phatna la sak kawm a i kipahnate i pulak theih ding khawng i ngaihtuah chiang in thanop huai mahmah hi.
Himahleh huai sang in i tung a Pathian akipah ziak a ngaihtak a alasak ging bang za thei hi le bang achi dia? Huai dan in kingaihtuah sin mah dih, thanop huai na sa hia?
“La sa in na tung ah a nuam ding hi” (He will rejoice over you with singing – NKJV).
Hiai ngaihtuah mah dih…
Pa aw, niteng a ka tung ua na kipahna siamtak a na lasak ging za a kingaihtuah thei din hon panpih in.
Unaute zingpha. Tuni hun zatnuam chiat.