Huan, TOUPA Israel suante kiang ah, Aiguptate lak a kipan, Amorte lak a kipan, Amon suante lak a kipan, Philistiate lak a kipan noute ka hon honkhia ahi kei maw? Himahleh noute’n non lehngatsan ua, pathian dangte nna na sem zaw ta uh; huaiziak in ka hon honkhe nawn kei ding hi (Vai.10:11,13)
Pathian leng khase thei, dah thei, lungkham thei leh haza thei ahi chih ithei hi. I tung a ahoihnate mangngilh a, khelhna ziak a amah i taihsan chiang in i tung a Pathian khase mahmah ahi chih thei ni.
Israel ten Pathian panpihnate tengteng mangngilh a, pathian dangte’ nna sepsan a a-om ziak un Pathian tuh a tung ua khase mahmah ahihdan tuni i tangteel ah imu hi. Hinapi in a pathian lemte uh koihkhia a, a kiang a ngaihdam ngen a ahong kilehkik chiang un a haksatna tengteng uh thuak zoulou in a om zel hi (10:16). Pathian itna thupi maw! “Ka hon honkhe nawn kei ding” chipa’n a kiang a ahong kik chiang un a hehna teng koihmang in ana panpih in a honkhe zel hi.
Tuni in en leng amah i taihsan chiang in khase mahmah a, huaiziak a haksatna i tuahte thuak zoulou in ana om sek hi. A kiang i zotkik kal ngaklah in honna en den hi. I pathian lemte tengteng koihkhia in a kiang zuankik nawn ni.
Unaute zingpha. Tuni hun zatnuam chiat