Huchi’n, aw Toupa ka Pathian, nang na sikha, ka pa David sik in kumpipa di’n na na bawlta a: kei zaw naupang lel ka hi a; thu tung lam leh kuan lam leng ka thei kei hi (1 Kum.3:7)
Tuni a i tangteel tuh David’ tapa Solomon kampau ahia, aban i sim leh Pathian kiang ah pilna a ngen hi (1 Kum.3:9). A ngetna bang in Pathian in pilna apia hi. A khonung in Solomon in, “Toupa kihtak theihna kipatna ahi: himahleh mihai in pilna leh hilhna a musit” chiin hon gen hi (Pau.1:7). Thil tengteng thei dan a i om chiang in Pathian aw kingaikhe theilou hi. Theilou, Pathian apan pilna poimoh ihi chih i theih chiang in a aw kingaikhe thei pan hi.
Tunin na Laisiangthou bu la in sim kipan inla, na ngaihdan lou a gen khak leh theihsiam sawm in, sellou in Pathian aw ngai zaw in. Pathian lah van a om, nang lah leitung a om lel na hi ngal a (Ekli.5:2).
Pilna Pathian aw, na mai ah naupang bang lel ka hi uh. Bang chibang a kalsuan zel ding ka hi ua chih ka thei kei uh. Ka kiang uah thu hon gen in, na sikha ten ka ngaikhia uhi.
Unaute zingpha. Tuni hun zatnuam chiat