Van, vante vanah leng talou ahi ngal a, kuan ahia a inn lam saktheih ding? kei, a ma a gimlim halna ding lel chihlouh ngal kei phiangsan in ka lam sak thei mahmah ding hia? (2 Kro.2:6).
Tuni a i tangteel tuh kumpi Solomon kampau ahi. Hiai toh kibang in Stephen leh sawltak Paul in leng Nasepte laibu ah ana gen uhi (Nas.7:48; 17:24). Pathian’ mite ihihna uah Pathian tenna inn bang a gen in i om uhi (1 Kor.3:16; 6:19; Eph.2:21-22; 1 Pet.2:4-5).
Solomon in sik leh suang in Pathian’ inn ana lam a, himahleh khristian ten bel sik leh suang a bawl hilou, mihing lungsim a kibawl inn i lam uhi. Pathian’ inn i bawl theih dan khen khat:
- Nu leh pa hoih hi in: Na tate toh hun zang tam inla, huai hunte Pathian thu hilhna ding in zat sawm in.
- Midangte tanchinhoih genpih in: Pathian hoihna na hinkhua a na muhte midangte genpih in.
Unaute zingpha. Tuni hun zatnuam chiat