Himahleh Toupa’n Samuel kiang ah, a mel lam hiam, a san lam hiam en kei un; amah zaw ka deihlouh ahi; Toupa’n lah mihing et dan in a en ngal kei a; mihing in zaw polam a latdan a en sek ua, Toupa’n bel lungtang lam a en zaw sek hi, a chi hi (1 Sam.16:7)
Hun tamtak ah khristian tampi ten i hihkhelh khak nakna ubel polam latdan, tomchik i muh zual tan lel en a mi hoih leh hoihlou, mi ginom leh omlou, Pathian lau leh laulou chia thukhenna i bawl pahpah sek ahi. Theichian a, kithuahpih a, a lungsim put zia, a ngaihtuahnate leh a dinmun theichian le hiloupi a mohsakna leh siamlouh tanna mi i bawl khum chiang in kikhial kha thei a, huchimah bang in a hoih law dan a i kiphat luat chiang in leng kiphatkhelh khak theih hi.
Tuni a i tangteel a i muh bang in polam kilatdan lel hilou a, Pathian in lungtang a et bang in en leng et sawm lehang dik ding hi.
Unaute zingpha. Tuni hun zatnuam chiat