Pil kisa khem in mihai a hong suak ua, sitheilou Pathian thupina sethei mihingte leh vasate, gamsate leh bokvak ganhingte lim in a suaksak uhi. Huaiziak in a sa uh zumhuaipi a kibawltuah ding in a lungtang uh duhgawlna bang a thilnin hih phal in Pathian in a lehngatsan hi (Rom.1:22-24).
Pathian in a deihdan a om ding in thagum in hon bawl thei mahleh a khenchiang in zalenna bangtan hiam (limited) hon pia in hon khahzan hi. Zalenna bukim (absolute freedom) hon pia hileh ei leh ei kisuse ding ihih ziak in a khenchiang in hon kham (restrain) in hon thunun sek hi.
Himahleh a hon khamna i ngaihsak keileh a tawp in ut dandan a om ding in zalenna hon pethei hi. Huai zalenna pen tomchik sung nuam bang mahleh ei hon susia in Amah kalh a i gamtatna gitlouhna man tuh i thuak a ngai ding hi (Rom.1:27).
Amah deihdan hilou a ei deihdan a i gamtatna leh i thilhihte ziak in Pathian chou kihikha thei hi. Bangtan hiam Pathian in hon kham (restrain) lai a, vauhilhna toh hon khahzan nailou hi thei hi. Himahleh a vauhilhna i ngeingaih kei leh hon khahzan in hon tawpsan ding a, ei a ding in kipahna himhim omlou ding hi.
Unaute Toupa’ ni zingpha. Tuni kikhop nuam chiat.